ഇന്ത്യയെ ലോകത്തിലെ ഏറ്റവും വലിയ ജനാധ്യപത്യരാഷ്ട്രം എന്നാണു നാം അടക്കം ലോക
രാജ്യങ്ങള് വിശേഷിപിക്കുന്നത്. എന്നാല് അത് ഏറ്റവും വലിയ മണ്ടത്തരമെന്ന് ഞാന്
വിശേഷിപ്പിക്കും. ഇന്ത്യയും ജനാധിപത്യവും രണ്ടും രണ്ടു ദിക്കിലാണ്. ഇവിടെ രാജഭരണത്തിനു തുല്യമായ രാഷ്ട്രീയ സ്വേച്ഛാധിപത്യമാണ്. ആ
ചിന്തക്ക് കാരണങ്ങള് പലതാണ്, അവയില് പലതും നമ്മള് കണ്ടിട്ടും കാണാതെ പോകുന്ന
കാര്യങ്ങളാണ്.
വര്ഷങ്ങള് നീണ്ടു നിന്ന വിപ്ലവത്തിനും, സമരങ്ങള്ക്കും ശേഷമാണ് ഇന്ത്യന്
ജനതക്ക് സ്വാതന്ത്ര്യം ലഭിക്കുന്നത്. ഇന്ന് ഇന്ത്യക്ക് രാഷ്ട്രീയപാര്ട്ടികളുടെ
അധികാരത്തിന് കീഴില് പ്രവര്ത്തിക്കുന്ന ഒരു സര്ക്കാര് ഭരണസംവിധാനമുണ്ട്. ഇന്ത്യന്
അധികാരത്തിന്റെ തലച്ചോറെന്ന് പറയുന്നത് രാജ്യസഭ, ലോകസഭയുമാണ്,നട്ടെല്ലെന്ന്
പറയാവുന്നത് ഇതിന്റെ കീഴില് വരുന്ന ഭരണസംവിധാനങ്ങളും, നിയമവ്യവസ്ഥയുമാണ്.
ഭരണസംവിധാനം ഒരു മരത്തിന്റെ ശിഖരങ്ങള് എന്നത് പോലെ പല ശിഖരങ്ങളായി വേര്തിരിച്ചു
സംസ്ഥാനം, ജില്ല ഭരണ കൂടം എന്നിങ്ങനെ വേര്തിരിച്ചിരിക്കുന്നു. ഇത് ഭരണം സുഗമം ആക്കുവാന് വേണ്ടിയാണ്. ഇതേ
രീതിയില് തന്നെയാണ് ചക്രവര്ത്തി ഭരണവും നിലനിന്നിരുന്നത്, ചക്രവര്ത്തിക്ക്
കീഴില് രാജാവ്, രാജാവിന്റെ കീഴില് പ്രഭുക്കന്മാര്, അതിനു കീഴില് ജന്മിമാര്.
ഇങ്ങനെയുള്ള പലരീതികളും നമ്മള് ആ പഴയ സ്വേച്ഛാധിപത്യത്തിന്റെ കാലത്ത് നിന്ന് ഉള്ണ്ടാതാണ്.
നമ്മള് അനുഭവിക്കുന്ന സ്വത്തുവകകളുടെ പൂര്ണ്ണ അധികാരി നാമല്ല. നമുക്കും മുകളില് അധികാരംഈ രാജ്യത്തെ ഭരണാധികാരികള്ക്കാണ്. മാര്ക്കെറ്റില് നിന്ന്
വാങ്ങുന്ന ഉപ്പ് തൊട്ട് കര്പ്പൂരം വരയുള്ള സാധനങ്ങള്ക്ക് നമ്മള് നികുതി
കൊടുക്കണം. അത് വാണിജ്യനികുതി. നമ്മള് താമസിക്കുന്ന സ്ഥലത്തിനും വീടിനും
കൊടുക്കണം വര്ഷാവര്ഷം നികുതി.അതും നികുതിയാണ് നമ്മള് സ്വത്തുക്കള്
അനുഭവിക്കുന്നതിന്റെ നികുതി. കൊടുത്തില്ലെങ്കില് പിഴ എന്നിട്ടും
കൊടുത്തില്ലെങ്കില് ജപ്തിപോലുള്ള നടപടികളിലേക്ക് കടക്കും അധികാരികള്. നികുതി പണം
പൊതുഖജനാവിലേക്ക് പോകുന്നുവെങ്കിലും ഇത്തരം കാര്യങ്ങളില് ചില അനൌചിത്യപരമായ
കാര്യങ്ങള് കാണുവാന് സാധിക്കും ഒരു സമൂഹത്തിന്റെ നിസ്സഹായത. ഇത് തന്നെയല്ലേ
ചക്രവര്ത്തി ഭരണകാലത്തും സ്വീകരിച്ച നടപടി?. സര്ക്കാര് മേല്നോട്ടത്തില്
അല്ലെങ്കില് ഒരു പദ്ധതിനിലവില് വരുമ്പോള് ആ സ്ഥലത്തെ ജനങ്ങളെ കുടിയൊഴിപ്പിക്കാനുള്ള അധികാരം ഈ ഭരണകൂടങ്ങള്ക്കുണ്ട്. ചിലസ്ഥലങ്ങളില്
നഷ്ടപരിഹാരം കൊടുത്ത് അവരെ സമാധാനിപ്പിക്കുന്നുവെങ്കിലും അവിടെ ഒരു അടിച്ചമര്ത്തല്
കാണാം, അവിടെ അവന്റെ പ്രതികരണങ്ങളെയും, ഇഷ്ടങ്ങളെയും വിലങ്ങിട്ട് നിര്ത്തുന്നു.
തീര്ത്തും നിസ്സഹായ അവസ്ഥ. സര്ക്കാര് തിന്ന് കൊഴുത്ത് ഒന്നും അറിയാതെ മന്ദിരങ്ങളില്
ജീവിക്കുന്നു, അവക്കുള്ള സുരക്ഷയുടെ കോട്ടയാണ് ഭരണസംവിധാനങ്ങള്, ചുറ്റിനും പൊതു ജനങ്ങള്ക്
നേരെ ആക്രോശവും ആയുധവുമേന്തി നില്ക്കുകയാണ് അധികാരികള്.
എന്തിനും ഏതിനും നമ്മുടെ നാട്ടില് നിയമങ്ങളുണ്ട് നിയമപാലകര് സര്ക്കാരിന്റെ
കാല്ചുവട്ടിലും. നിയമങ്ങള് ഒരു സമൂഹത്തെ
നിയന്ത്രിക്കാനും, സമധാനപരിപാലനത്തിനുമാണ്. അത് ഒരു രാജ്യത്തിന്റെ ഉയര്ച്ചക്കും ,
കെട്ടുറപ്പിനെയും സഹായിക്കും. ഈ അധികാരം ജനങ്ങള്ക് മീതെ പ്രയോഗിക്കാന് അതാത്
രാജ്യങ്ങളിലെ അധികാരികള്ക്കാണ് അവകാശം, അങ്ങനെ ആ ഒരു രീതിയിലും സര്ക്കാര്
ജനങ്ങളുടെ അധികാരിയാവുന്നു. ഇന്ന് ഈ രാജ്യത്തെ അധികാരികളെ നമ്മള് തന്നെ
തിരഞ്ഞെടുക്കുന്നു എന്നാല് അവിടെ ഈ തിരഞ്ഞെടുക്കപെടുന്ന വ്യക്തി ഒരു
ജനപ്രധിനിതിയല്ല മറിച്ചു ഒരു രാഷ്ട്രീയപ്രധിനിധിയാണ്. രാഷ്ട്രീയകാര് അവരുടെ
താല്പര്യങ്ങള്ക്ക് അനുസരിച്ച് പ്രവര്ത്തിക്കുന്ന പാവകളെ മാത്രമേ ജനങ്ങള്ക്
മുന്നിലേക്ക് തിരഞ്ഞെടുക്കാന് വിടുകയുളൂ. ഇത് വോട്ടെടുപ്പ് എന്ന പ്രക്രിയ പൂര്ത്തിയാക്കുവാന്
വേണ്ടി മാത്രം. തിരഞ്ഞെടുക്കപെട്ടാല്
പാര്ട്ടി തീരുമാനം അനുസരിച്ച് പ്രവര്ത്തിക്കുക, അവനു മുകളില് രാഷ്ട്രീയപാര്ട്ടികള്
വിപ്പ് എന്ന അധികാരവടി വച്ചിരിക്കുന്നു.
അത് കൊണ്ട് തന്നെ ആ തിരഞ്ഞെടുക്കപെടുന്ന വ്യക്തിയും പിന്നീട് ഒരു നെറികെട്ട രാഷ്ട്രീയകാരനാകുന്നു. ജനങ്ങള്ക് വേണ്ടി പ്രവര്ത്തിക്കാന് തുനിയുന്ന
സ്വന്തന്ത്ര മനസിനെ അവിടെ തളക്കുന്നു. പിന്നീട് ആ രാഷ്ട്രീയ പ്രധിനിധിയും ജനങ്ങളും
രണ്ടു തട്ടിലാണ് അണികള് അല്ലെങ്കില് അധികാരികളുടെ പാപഭാരങ്ങള് ചുമക്കാനുള്ള
കഴുതകളായി ജനങ്ങള്, അവര്ക്ക് മുകളില് സര്വ്വധികാരത്തോടെയും ഇരിക്കുന്ന രാഷ്ട്രീയ കോമരങ്ങള്.
ഇന്ത്യന് രാഷ്ട്രീയത്തില് പ്രവര്ത്തിക്കുന്ന
പലര്ക്കും ഒരു തൊഴിലില്ല. പക്ഷെ അവര് സമ്പാദിക്കുന്നു എങ്ങനെ? അവരുടെ തൊഴില്
ഇതാണ് രാഷ്ട്രീയ പ്രവര്ത്തനം, അതിനാല് തന്നെ അവര് അതില് നിന്ന് തന്നെ
സാമ്പത്തികം ഉണ്ടാക്കാന് ശ്രമിക്കുന്നു. അവനുമുന്നിലേക്ക് കൊര്പ്പെറെറ്റുകള്
കാര്യസാധ്യത്തിനായി പണം വാരിയെരിയും. പണത്തിന്റെ മുന്നില് വീഴാത്ത ആരുണ്ട് ആ രാഷ്ട്രീയകാരനും വീഴും. പണം ആളെ കൊല്ലിയെന്നാണ് എന്നാണ് ചൊല്ല്. പിന്നീട് അവന്
അഴിമതികളുടെ പൂമാല തന്നെയണിയും. ഇതാണ് നമ്മുടെ രാഷ്ട്രീയകാര്. ഒരു പാര്ട്ടി
ജയിച്ചു ഭരണത്തില് കയറിയാല് പിന്നെ ആ രാഷ്ട്രീയപാര്ട്ടികളിലെ കീടങ്ങള് വരെ കുഞ്ഞന്
അധികാരികളായി അതാണ് ഇന്ന് നാം കാണുന്ന ഭരണകൂടം.
ഇനി രാഷ്ട്രീയപാര്ട്ടികളുടെ തലപ്പത്തേക്ക് വരുമ്പോള് അല്ലെങ്കില് അണികളെ വിട്ട്
നേതാക്കളിലെക്ക് വരുമ്പോള് കാണുന്നത് ഇതാണ് പാര്ട്ടികളില് കുടുംബഭരണവും,
ഏകാധ്യപത്യഭരണവും. ഇന്ത്യയിലെ ഒരുപാര്ട്ടിയുടെയും നേതൃത്വസ്ഥാനങ്ങള് ജനാധ്യപത്യരീതിക്ക്
ചേര്ന്നതല്ല. അതിനാല് തന്നെ ഒരു പാര്ട്ടിയും ജനാധ്യപത്യവാദികള് എന്ന് പറയുവാനും
യോഗ്യരല്ല. ഇക്കൂട്ടര് ഒരു ജനാധ്യപത്യരാഷ്ട്രം ഭരിക്കുന്നുവെന്നു പറഞ്ഞാല് അതില്
കവിഞ്ഞ വിരോധാഭാസം വേറൊന്നില്ല. ഇന്ത്യയിലെയും കേരളത്തിലെയും പ്രധാനപെട്ട ചില രാഷ്ട്രീയപാര്ട്ടികളെ
നോക്കാം ഇന്ത്യന് നാഷണല് കോണ്ഗ്രസ്, ബി ജെ പി; സി പി എം, ഡിഎം കെ, എന് സി പി,
കേരളകോണ്ഗ്രസ് (A-Z) , മുസ്ലിംലീഗ് ഇവയെല്ലാം തന്നെ ഒരു ഫ്യൂഡല്
വ്യവസ്ഥിതിയില് പ്രവര്ത്തിക്കുന്നു.
ഇന്ത്യന് നാഷണല് കോണ്ഗ്രസ് ഈ പാര്ട്ടി
ജന്മം കൊണ്ടത് മുതല് ഗാന്ധി, നെഹ്റുകുടുംബത്തിന്റെ അധീനതയില് ഒതുങ്ങി
കഴിയുന്നു. നെഹ്റു, രാജിവ്ഗാന്ധി, ഇന്ദിരാഗാന്ധി ഇവരാണ് കോണ്ഗ്രസ് പാര്ട്ടിയുടെ
പഴയകാല തേരാളികള് അങ്ങനെ നീണ്ടു പോകുന്നു ആ ലിസ്റ്റ്. ഇന്ന്
പ്രധാനമന്ത്രിപദത്തില് ഇരിക്കുന്ന മന്മോഹന് സിംഗ് ഈ ഗാന്ധികുടുംബത്തിന്റെ പാവയാണ്, ഇവിടെ മന്മോഹന്സിംഗിന്റെ ചുമതല
ഇന്ത്യന് നാഷണല് കൊണ്ഗ്രസിന്റെ തലപ്പത്ത് ഇരിക്കുന്ന സോണിയ ഗാന്ധിയുടെ ആജ്ഞകള്
അനുസരിക്കുക എന്നത് മാത്രമാണ്. ചുരുക്കത്തില് ഇന്ന് ഇന്ത്യ ഭരിക്കുന്നത് ഇന്ത്യന്
വംശത പോലും അല്ലാത്ത സ്ത്രീയാണ്, അതുമല്ല ജനാധിപത്യ മര്യാദകളെ മരികെടന്ന്. അപ്പോള്
ഇപ്പോഴും നമ്മള് വിദേശ അധ്യപധ്യത്തില് ആണോയെന്നു സംശയിക്കേണ്ടി ഇരിക്കുന്നു. ഇനി
ഇന്ത്യന് നാഷണല് കൊണ്ഗ്രസിന്റെ നേതൃത്വനിരയിലേക്ക് വരുന്നത് അല്ലെങ്കില് വന്നത്
രാഹുല് ഗാന്ധി. അദേഹത്തിന് പലപ്പോഴും വലിയ സ്ഥാനമാനങ്ങള് വഹിക്കാന് പേടിയാണെന്ന
ആരോപണം ഇപ്പോഴും നിലനില്ക്കുന്നു. അങ്ങനെ ഇന്നേവരെയുള്ള പാര്ട്ടിയുടെ
ചരിത്രത്തില് ഇന്ത്യന് നാഷണല് കോണ്ഗ്രസ് ഗാന്ധികുടുംബത്തില് ഒതുങ്ങുന്നു.
മറ്റൊരു പ്രധാന പാര്ട്ടിയാണ് ബി ജെ പി. വര്ഗീയ ചേരിതിരിവ് സൃഷ്ടിച്ച്
ശക്തിപ്രാപിച്ച പാര്ട്ടിയാണ് ബി ജെ പി. ഇന്ന് വര്ഗീയത ഇല്ലെന്നു
പറയുന്നുവെങ്കിലും ചുറ്റിനുമുള്ള പാര്ട്ടി പോഷക സംഘടനകളെല്ലാം തന്നെ വര്ഗീയത
ഉയര്ത്തിപിടിക്കുന്നവയാണ്. ആര് എസ് എസ്, സംഘപരിവാര്, ഇവയെല്ലാം ഈ പാര്ട്ടിയുടെ
യഥാര്ഥ മുഖമാണ്. ഒരു പ്രത്യേക വിഭാഗത്തിന്റെ പാര്ട്ടിയാകുമ്പോള് എങ്ങനെ
ജനാധ്യപത്യമര്യാദ ഉണ്ടാകുന്നു.
ഇനി സി പി (ഐ) എം ലേക്ക് വരുമ്പോള്, ഇന്ത്യയിലെ പ്രധാന കമ്മ്യൂണിസ്റ്റ് പാര്ട്ടിയാണ്
സി പി (ഐ)എം. കമ്മ്യൂണിസ്റ്റ് എന്ന ആശയം പോലും ഒരു തരം ഫ്യൂഡല് വ്യവസ്ഥയാണ്.
ഒരാളുടെ മൌലിക അവകാശങ്ങള് പോലും ഹനിക്കന്നതാണ്കമ്മ്യൂണിസ്റ്റ് ഭരണങ്ങള്. പക്ഷെ
ഇന്ത്യയിലെ ഈ കമ്മ്യൂണിസ്റ്റ് പാര്ട്ടി ലോക ചരിത്രത്തിലാദ്യമായി തിരഞ്ഞെടുപ്പിനെ
മാനിച്ചു നിലനിന്നു പോരുന്നു. തൊഴിലാളിയുടെ വിയര്പ്പിന്റെ അംശം വാങ്ങുന്ന രീതി
ഇപ്പോഴും തുടരുന്നു. വിപ്ലവം എന്ന് ഉല്ഘോഷിക്കുന്ന കൊലപാതകങ്ങള് തുടരുന്നു.
ഗ്രാമങ്ങളില് ഊര് വിലക്ക് കല്പ്പിക്കുന്നു. ഇതൊക്കോ ഒരു ജനപക്ഷ പാര്ട്ടിക്ക്
ചേര്ന്നതല്ല. ഒരു പക്ഷെ ഇന്ത്യയില് അവര്ക്ക് ഒരിക്കല് ഭരണം കിട്ടിയാല് പിന്നെ
ഏതൊരു കമ്മ്യൂണിസ്റ്റ് രാഷ്ട്ത്തിലും ഉണ്ടായത് പോലെ ഇന്ത്യയും ഒരു കമ്യൂണിസ്റ്റ്
ഭരണത്തിന്റെ പിടിച്ചടക്കലിന്റെ കെടുതികള് നമ്മള് അനുഭവിക്കേണ്ടി വരും.
ഇനി എന് സി പി, ഡി എം കെ, ആര് ജെ ഡി,
കേരള കോണ്ഗ്രസ് (A-Z) ഈ
പര്ട്ടികളിലെല്ലാം കുടുംബഭരണത്തിന്റെ നേര്കാഴ്ചയാണ്. അച്ഛനും മക്കളും മക്കളുടെ
മക്കളുമായി ഒരു പാര്ട്ടി ഭരിക്കുന്നു അവര് അധികാരത്തിന്റെ കസേരകള് എപ്പോഴും
കൈയ്യാളുന്നു. മുന്ഗാമികളും പിന്ഗാമികളും എല്ലാം സ്വന്തം കുടുംബക്കാര്. ഈ പാര്ട്ടികള്
ജനാധ്യപത്യമര്യാദകളുടെ ഏറ്റവും വലിയ വിരോധാഭാസമെന്നെ എനിക്ക് പറയാന് സാധിക്കൂ.
മുസ്ലിംലീഗ്
ഇതൊരു വര്ഗീയ പാര്ട്ടി അല്ലെന്നാണ് നേതൃത്ത്വത്തിന്റെ വാദം. പക്ഷെ പ്രവര്ത്തിയില്
ഒരു പ്രത്യേക സാമുദായത്തിന്റെ അധീനതയില് ഒതുങ്ങികഴിയുന്ന പാര്ട്ടി. പലപ്പോഴും
ഭരണകാര്യങ്ങളിലും, പ്രവര്ത്തികളിലും, നേതാക്കളുടെ പ്രസംഗത്തിലും ഇതൊരു വര്ഗീയ
പാര്ട്ടിയാണെന്ന് തെളിയിക്കുന്നു. ഇതും ഒരു മതേതരത്വ രാജ്യത്തിനോ ജനപക്ഷ
രാജ്യത്തിനോ ചേര്ന്ന പാര്ട്ടിയല്ല.
ഇനിയുമുണ്ട് ഒട്ടേറെ പാര്ട്ടികളും, പാര്ട്ടി സംഘടനകളും എന്നാല് ഒന്നില് പോലും
നമ്മുടെ രാജ്യത്തിന്റെ തത്വത്തിനു ചേര്ന്നതല്ല. ഈ പറഞ്ഞവയില് ഇന്ത്യഭരിക്കുന്ന
പ്രധാന പാര്ട്ടികളാണ് ഇന്ത്യന് നാഷണല് കോണ്ഗ്രസും, ബി ജെ പിയും ഇവരാണ് ഭരണ
ചക്രം തിരിക്കുന്നത് ബാക്കിയുള്ളവര് അധികാരത്തിന്റെ അപ്പകഷണം കിട്ടാന് വേണ്ടി
മാത്രം സപ്പോര്ട്ട് നല്കുന്നുവെന്ന് മാത്രം. ഏഴുവര്ഷത്തോളമായി ഇന്ത്യന്നാഷണല്
കൊണ്ഗ്രസിന്റെ അധ്യക്ഷതയിലാണ് ഭരണം മുന്നോട്ട് പോകുന്നത്. അവിടെ ഭരണകാര്യങ്ങള്
തീരുമാനിക്കുന്നത് സോണിയ ഗാന്ധിയും. ഇന്ത്യന് പ്രസിഡണ്ട് ആരെന്നു പോലും
തീരുമാനിക്കുന്നത് ഇത്തരം സ്വേച്ഛാധിപത്യസ്വഭാവം അല്ലെങ്കില് ആ സ്വേച്ഛാധിപതികളുടെ
പാര്ട്ടിയാണ്. അപ്പോള് ഇപ്പോള് ഉള്ളതും ഒരു ഫ്യൂഡല് ഭരണം തന്നെയല്ലേ?
ഇനി തിരഞ്ഞെടുപ്പിലേക്ക് വരുമ്പോള് കാണുവാന് സാധിക്കുന്നത് മറ്റൊരു രസകരമായ
കാര്യം ഇതാണ്. പാര്ട്ടിയുടെ തലപ്പത്ത് ഇരിക്കുന്നവര് തീരുമാനിക്കും ആര് എവിടെ
മത്സരിക്കനമെന്നത്. പണവും, മദ്യവും, കണ്ണ് മഞ്ഞളിക്കുന്ന വാഗ്ദാനങ്ങളും കൊടുത്ത്
വിഡ്ഢികള് ജനങ്ങളെ വരുതിയിലാക്കും. അതിലും വീഴാത്തവരെ സാമുദായിക പേരില് കൂടെ
ചേര്ക്കും. ഇതല്ലേ ഇന്നത്തെ തിരഞ്ഞെടുപ്പ്? തിരഞ്ഞെടുപ്പിനും പാര്ട്ടിയുടെ ആഡംബരത്തിനും
വേണ്ടി കോര്പ്പറെറ്റുകളില് നിന്ന് വലിയൊരു തുക സംഭാവനയായി നല്കും. പകരം അവര്ക്ക്
ഈ രാജ്യം തന്നെ തീറെഴുതി കൊടുക്കും. അത് 2G യായും കല്ക്കരിയായും,
പെട്രോള് ആയും വീണ്ടും ജനങ്ങളുടെ തലയില്.
കിട്ടിയവാഗ്ദാനങ്ങള് മുഴുവന് ആ വഴി പോകും. അങ്ങനെ വക്രബുദ്ധിക്കാരായ
രാഷ്ട്രികാരും കൊര്പ്പെറെറ്റുകളും ചേര്ന്ന് പണത്തിന്റെ ഒരു തിരിച്ചു വരവ് ചക്രം
തന്നെയുണ്ടാക്കിയിരിക്കുന്നു. അങ്ങനെയാകുമ്പോള് പറയാം ഈ രാജ്യം ഭരിക്കുന്നത്
ഇവരാണ്. ഒരിക്കല് പോലും ഇന്ത്യന് ചരിത്രത്തില് ജനഹിത പരിശോധന ഒരു കാര്യാത്തിലും
നടത്തിയിട്ടില്ല. ഇതോക്കെയാണോ ഒരു ജനാധിപത്യരാജ്യത്തിന്റെ ഗുണം?
ഒരിക്കലും ഒരു രാജ്യത്തിനും പൂര്ണ്ണജനാധിപത്യരാജ്യം ആവാന് സാധിക്കില്ല, അനങ്ങനെ ആവുകയും ചെയ്യരുത്. എല്ലാം ജനങ്ങളുടെ
ഇഷ്ടം നോക്കി നടത്താന് ആവില്ല. എന്നാല് ജനങ്ങള് തിരഞ്ഞെടുത്ത് വിടുന്ന ഈ അധികാര
വര്ഗത്തിന്റെ മുകളിലും ഒരു അധികാരം വേണം ജനങ്ങളുടെ അധികാരം. ഒരിക്കല് ഇന്ത്യന്
ജനത അധിനിവേശശക്തികളും സ്വേദേശ ശക്തികളുടെയും മുന്നില് നട്ടെല്ല് പണയം വച്ചതിനാല്
ആവാം അവര് ഇപ്പോഴും ഈ ഫ്യൂഡല് ഭരണത്തിനു സമാനമായ ഭരണകൂടങ്ങള്ക്ക് മുന്നിലും
ഒചാനിച്ചു നില്ക്കുന്നത്. പക്ഷെ പിന്നീട് നടുനിവര്ക്കാന് വലിയൊരു രക്തപുഴ തന്നെ ഒഴുക്കേണ്ടി വന്നു.
(ഇവിടെ ഞാന് ഒന്നിനെയും പൂര്ണ്ണമായും തെറ്റെന്നോ ശരിയെന്നോ പറയുന്നില്ല. എന്നാല്
ഒരു കാര്യത്തില് ശരിയും തെറ്റും കൂടുമ്പോള് അവയുടെ സ്വഭാവ രീതികളും മാറുന്നു.
അവയെ തെറ്റെന്നും ശരിയെന്നും നാം വിളിക്കുന്നു. )
നോട്ട്:ഇത് അരാഷ്ട്രീയ
വാദമല്ല മറിച്ച്. (ആ വാദമുഖങ്ങള് ഉയര്ത്തുന്ന ചീഞ്ഞ രാഷ്ട്രീയകാരനോട് എനിക്ക്
ഒന്നും പറയാന് ഇല്ല. ഒരിക്കല് താങ്കള് അല്ലെങ്കില് താങ്കളുടെ പിന്തലമുറ ഇതിനു
പിഴ ഒടുക്കേണ്ടി വരും. ) ഇതാണ് ഇന്ത്യന് രാഷ്ട്രീയം ഇനി നിങ്ങള് ജനപക്ഷം നോക്കി
പ്രവര്ത്തിച്ചു കാണിച്ചാല് അതിനെ വിശ്വസിക്കും. ഇവിടെ നിങ്ങള്ക്ക് എതിര്ക്കാം
പക്ഷെ അത് ഒരു രാഷ്ട്രീയപാര്ട്ടിയുടെ വക്താവായി ആയിരിക്കരുത് സമൂഹത്തില് നിന്ന്
വേദനിക്കുന്ന ഒരു സമൂഹത്തിന്റെ നിക്ഷ്പക്ഷ പ്രധിനിധി ആയിട്ട് വേണം.. നിങ്ങള്
രാഷ്ട്ര സ്നേഹി ആയിരിക്കണം രാഷ്ട്രീയ സ്നേഹി ആകരുത്. ഒരു സംഘടയോടുള്ള നിങ്ങളുടെ
അന്ധമായ സ്നേഹം , വിശ്വാസം നിന്റെ സമൂഹത്തെയും നിന്നെയും വഞ്ചിക്കും.
വായിച്ചു .. പക്ഷെ മറുപടി പിന്നെ .. കുറച്ചു കൂടുതല് ഉണ്ട് .. അതാ..
ReplyDeleteഎങ്കില് പറഞ്ഞോളൂ.. :)
Deleteഇന്നത്തെ ചീഞ്ഞളിഞ്ഞ രാഷ്രീയ വ്യവസ്ഥിതിയെ ഞാനും വെറുക്കുന്നു . എങ്കിലും നമുക്ക് മുന്നില് വേറെ ഒരു ചോയ്സ് ഇല്ല . ഒരു അരാഷ്ടീയ വാദമോ ,എകാതിപത്യ രാഷ്രീയ കാലാവസ്ഥയോ ഇഷ്റെപ്പെടുവാന് ഒരിക്കലും ഞാന് ആഗ്രഹിക്കാത്തത് കൊണ്ട് ചില നാറ്റങ്ങള് മൂക്ക് പൊത്തി സഹജീവികളെ പോലെ ഞാനും സഹിക്കുന്ന്നു....
ReplyDeleteഒരുപാട് പറയണമെന്നുണ്ട് ..പക്ഷെ ........................!!
നമ്മള് പറയണം.. പ്രധികരിക്കാന് പഠിക്കണം... സഹനം നമ്മുക്ക് ഒന്നും സമ്മാനിക്കില്ല ദുരിതങ്ങള് മാത്രം....
Deletewe are under the yoke of political families..... നല്ല ലേഖനം പക്ഷെ ക്ലാരിടി അല്പം കുറഞ്ഞു കേട്ടോ....
ReplyDeleteഅറിയാം.. പറയാന് ആണെങ്കില് കുറെയേറെ ഉണ്ട്... അതിനു ഈ ഒരു പേജ് മാത്രം പോരെന്ന് വരും....
Deleteതാങ്ക്സ്,,, ഈ തുറന്ന അഭിപ്രായത്തിന്... :)
പൂര്ണമായ അര്ത്ഥത്തില് ഇന്ത്യന് ഭരണ വെവസ്ഥ ജനാധിപത്യ രീതിയില് ആണെന്ന് പറയുന്നത് ശുദ്ധ മടയത്തരം തന്നെ ആണ് ഇവിടെ കുറെ പാര്ട്ടികള് സൃഷ്ട്ടിച്ചു എടുത്ത കുറെ ജനങ്ങളും അവരെ അങ്ങേ തല ചൂഷണം ചെയ്യുന്ന പാര്ട്ടികളും മാത്രമാണ് ഉള്ളത് നല്ല ലേഖനം റോബിന്സ്
ReplyDeleteതാങ്ക്സ് ഈ അഭിപ്രായത്തിനും ഈ സമാനചിന്താഗതിക്കും... :)
Deleteപോസ്റ്റിനോട് യോജിക്കുന്നു. എല്ലാം തികഞ്ഞ ഒരു പാര്ട്ടിയോ, ജനങ്ങള്ക്ക് വേണ്ടി മാത്രം പ്രവര്ത്തിക്കുന്ന പാര്ട്ടിയോ, പറയുന്നത് പ്രവര്ത്തിക്കുന്ന പാര്ട്ടിയോ ഇന്ത്യയില് ഇല്ല.. എല്ലാ പാര്ട്ടികളും അവസരവാധത്ത്തിന്റെ നാറിയ കളികളുടെ ഭാഗമാണ്. ജനങ്ങള്ക്ക് ബോധോധയം ഉണ്ടാവുന്നത് വരെ ഈ രാഷ്ട്രീയ കോമരങ്ങളുടെ അടിമകളായി നമ്മള് തുടരാന് വിധിക്കപ്പെട്ടിരിക്കുന്നു.
ReplyDeleteതാങ്ക്സ് ഈ അഭിപ്രായത്തിനും ഈ സമാനചിന്താഗതിക്കും... :)
Deleteഒന്നും പറയുന്നില്ല
ReplyDeleteഒന്നും പറയാനില്ല
പറഞ്ഞിട്ട് ഫലമില്ല
പറയണം അജിത്തെട്ട നമ്മുക്ക് ഇന്ന് പ്രതികരിക്കുന്ന ഒരു ജനതെയാണ് ആവശ്യം... ഈ വരവിനും വായനക്കും നന്ദി...
Deleteരാഷ്ടീയ ഇടപെടലുകള് വികസനത്തെ പുറകോട്ടടിക്കുന്നു
ReplyDeleteരാഷ്ട്രിയ ഇടപെടലുകള് അത് തന്നാണ് ഇവിടുത്തെ പ്രശ്നം.. ഇപ്പോള് മതങ്ങളും തുടങ്ങി രാഷ്ട്രീയ വാദം... വരാന് പോകുന്നത് ലോകത്തെ ഏറ്റവും നെറികെട്ട രാജ്യം എന്നായിരിക്കും.. ഇപ്പോള് ബാക്കിയെല്ലാം നേടി എയര് ഇന്ത്യ, ലോകത്ത് മാധ്യമ സ്വാതന്ത്ര്യത്തില് നൂറ്റിനാല്പതാം സ്ഥാനം.. അങ്ങനെ അങ്ങനെ പോകുന്നു നമ്മുടെ ഉന്നതിയുടെ കണക്കുകള്
Deleteരാഷ്ട്രിയ പ്രവര്ത്തനത്തെയും ജനാധിപത്യവൃവസ്ഥയം എല്ലാ രാജ്യത്തില്ലും ഏകാതേശം ഒരുപോലെ തന്നയാന്നു. ഇത്രയും വെത്യസ്തമായ ജന സമൂഹതെ വേറെ ഏതുരീതീയില്ലാണ് അങ്ങ് നയിക്കാന് ഉദ്ദേശിക്കുന്നത്.പാവം രാഷ്ട്രിയ പ്രവര്ത്തകാരെ ഇങ്ങനെ കുറ്റം പറയരുത്. വീമനം ഓടീക്കാന് അറിയാതവരും ജീവിക്ക്ണ്ടേ.
ReplyDeleteമുകളില് കൊടുത്തിരിക്കുന്ന comment സുരേശേട്ടന്റ്റ് വക.
ReplyDeleteഎല്ലാവരും ജീവിക്കണ്ടേ..... ഇത്രയും വിത്യസ്തമായ രാജ്യം ഉണ്ടാവില്ല ശരിയാണ്.. പക്ഷെ ഇവിടെ ഈ നെറികേടുകള് കാണിക്കുന്നത് സമൂഹം അല്ല.. ഭരണാധികാരികളാണ്... ഇപ്പോള് ഉള്ള ഈ രാഷ്ട്രീയ പ്രവര്ത്തനം മാറണം.. എല്ലാം നിയമത്തിന്റെ കീഴില് വരണം... ആവശ്യമെങ്കില് നോക്കുക http://merobinhood.blogspot.com/2012/08/blog-post_17.html സുഹുര്തെ എന്തെങ്കിലും പറയാനായി ഒരു കമെന്റ് ആവശ്യമില്ല...
Deleteജനാധിപത്യം എന്നതിന് ജനങ്ങളുടെ ആധിപത്യം എന്നാണോ ജനങ്ങളുടെ മേല് മേലാളന്മാര്ക്കുള്ള ആധിപത്യം ആണോ എന്ന് സംശയം ഇപ്പോളും ബാക്കി ...
ReplyDeleteഅജിതെട്ടന് പറഞ്ഞ പോലെ, ഒന്നും പറയുന്നില്ല, പറയാനില്ല, paranjittu കാര്യമില്ല..!
വളരെ നന്നായിരിക്കുന്നു ലേഖനം റോബിന്....
സംശയിക്കേണ്ട ഇപ്പോള് ജനങ്ങള്ക് മേല് മേലളന്മാര്ക്കുള്ള അധ്യപത്യം എന്നാണ്.. :)
Deleteരണ്ടേ രണ്ടു പാര്ട്ടിയെ ഇന്ത്യയില് ആകാമുള്ളൂ.അങ്ങനെ വല്ല നിയമവും പ്രാബല്യത്തില് വരുത്തണം. രാഷ്ട്രീയക്കാര്ക്കും പെന്ഷന് പ്രായം അറുപത്തഞ്ചു എന്ന് ഉറപ്പുവരുത്തണം.
ReplyDeleteഇത് നല്ല നിര്ദേശമാണ് ജോസെട്ടായി പക്ഷെ ആ രാഷ്ട്രിയ പാര്ട്ടികളെ നിയമത്തിന്റെ കീഴില് കൊണ്ട് വരണം... താങ്ക്സ് ഈ വരവിനും അഭിപ്രായത്തിനും...
Deleteഇതെല്ലാം ചേരുന്നതാണ് ജനാധിപത്യം..ഈ പറഞ്ഞവയെല്ലാം മിക്ക ജനാധിപത്യ വ്യവസ്ഥയിലും പൊതുവായവയാണ് പ്രാദേശികമായ രൂപഭാവങ്ങള് ഉണ്ടെന്നു മാത്രം , ചുരുങ്ങിയ കാലം മാത്രം ഭരിക്കാന് അനുവദിക്കുന്ന ജനാധിപത്യം പാര്ട്ടികളെ ദുഷിപ്പിക്കുന്നു, എങ്ങനെയെന്നാല്, വീണ്ടും അധികാരത്തില് വരാന് ജാതിയും മതവും അതിലെ വോട്ടുബാങ്കും കൂടിയേ തീരൂ..പിന്നെ കുടുംബാധിപത്യം കണ്ടുവരുന്നത് പ്രത്യേകിച്ച് തത്വസംഹിതകള് ഒന്നുമില്ലാത്ത ചില പാര്ട്ടികളില് ആണ്..ബി.ജെ.പിയിലും
ReplyDeleteകമ്മ്യൂണിസ്റ്റ് പാര്ട്ടികളിലും അതിന്റെ അംശം കുറവാണ്. .........................................................സാഹചര്യത്തിന് അനുയോജ്യമല്ലാത്ത ഒരു ഭരണ സമ്പ്രദായം നടപ്പില് വരുത്തുകയും അതിനെ മഹത്വവല്ക്കരിക്കുകയും ചെയ്യുന്ന നമ്മള് ഈ വെല്ലുവിളികള്ക്ക് അടിമപ്പെടാന് അര്ഹരാണ്.....ലേഖനം നന്നായിരുന്നു പക്ഷെ പരിഹാരം ഒന്നും കണ്ടില്ല...
പരിഹാരങ്ങള് കൂടി ചേര്ത്താല് വളരെ വലുത് ആകുമെന്നതിനാലാണ് ഞാന് ചേര്ക്കാതിരുന്നത്.. എന്നാല് എന്റെ ബ്ലോഗില് അവയോക്കോ പലയിടങ്ങളിലായി ചിതറി കിടക്കുന്നുണ്ട്..
Deletehttp://merobinhood.blogspot.com/2012/08/blog-post_17.html
http://merobinhood.blogspot.com/2013/01/blog-post.html
ഇവയെല്ലാം വായികുമ്പോള് എന്റെ നിര്ദേശങ്ങള് മനസിലാകും...
ഈ വരവിനും അഭിപ്രായത്തിനും നന്ദി
ഇങ്ങിനെയൊക്കെ ഒറ്റയടിക്ക് നീ തന്നെ എല്ലാം പറഞ്ഞാല് ഞാന് പിന്നെ എന്ത് പറയാനാ റോബീ...ഹി ഹി...
ReplyDeleteഹി.. ഹി.. പറയതെ നിവര്ത്തിയില്ലെന്ന് വന്നപ്പോഴാണ് പറഞ്ഞത്....
ReplyDeleteനന്ദി ഈ വരവിനും വായനക്കും...
ബ്രിട്ടീഷുകാർ "സ്വാതന്ത്ര്യം" കൈമാറിയതിന് ശേഷം നാളിന്നതുവരെ നമ്മെ ഭരിച്ച, ഭരിക്കുന്ന രാഷ്ട്രീയക്കാരാണ് ഇന്നത്തെ വ്യവസ്ഥിതിയുടെ ഉത്തരവാദികൾ..!
ReplyDeleteനമ്മുടെ രാഷ്ട്രീയ വ്യവസ്ഥിതി മാറണം..
Deleteനന്ദി ഈ വരവും വായനക്കും..
എന്നും മലയാളി എല്ലായിടവും ചര്ച്ച ചെയ്യുന്ന വിഷയം ...
ReplyDeleteപറയാം എന്നല്ലാതെ ..
പക്ഷെ പറയാതെയും വയ്യല്ലോ?
AAP YE Patti enthanu abhiprayam...?
ReplyDeleteആരും മോശക്കാരല്ല.... എന്തിയെ നമുടെ കേജരിവാള്?
Delete