Tuesday 8 January 2013

ഇന്ത്യന്‍ നവവിപ്ലവവും, വിപ്ലവാനന്തര ഇന്ത്യയും


കഴിഞ്ഞ വര്‍ഷം അറബ് രാഷ്ട്രങ്ങളെ പടിച്ചുകുലുക്കിയ ഒന്നാണ് സോഷ്യല്‍ മീഡിയകളിലൂടെ ജന്മം കൊണ്ട നവവിപ്ലവം. ഇന്ന് പലരാജ്യങ്ങളിലെയും ഭരണാധികാരികള്‍ ഭയക്കുന്നത് സോഷ്യല്‍മീഡിയകളില്‍ രൂപംകൊള്ളുന്ന ഇത്തരം കൂട്ടായ്മകളെയും, സ്വതന്ത്ര പ്രതികരണങ്ങളെയുമാണ്‌. ഭരണകൂടങ്ങളോടുള്ള  അസസഹിഷ്ണുത കൂടിവരുമ്പോള്‍ എന്നും പലരീതികളില്‍ പലയിടങ്ങളിലും വിപ്ലവങ്ങള്‍ ഉണ്ടായിട്ടുണ്ട്. ഒരു രാജ്യത്തിന്റെ നട്ടെല്ലും, തലച്ചോറുമാണ് അവിടുത്തെ ഭരണകൂടങ്ങള്‍ അതിനാല്‍ തന്നെ ഭരണകൂടങ്ങളെ വിപ്ലവത്തിലൂടെ മറിച്ചിടുമ്പോള്‍ ശേഷം ഉണ്ടാകുന്ന രാജ്യം  നമുക്ക് പ്രവചനാതീതമാണ്. രാജ്യത്തിന്റെ ഭരണ, സമാധാന അന്തരീക്ഷം തീര്‍ത്തും കലുഷിതമായിരിക്കും. ആരും നിയന്ത്രിക്കാന്‍ ഇല്ലാതെ കുത്തഴിഞ്ഞ അവസ്ഥ. ഇതാണ് നാം അറബ് ലോകത്ത് മുല്ലപ്പൂവസന്തം വിരിഞ്ഞുകഴിഞ്ഞപ്പോള്‍ കണ്ടത്. വിപ്ലവം കഴിഞ്ഞു ഭരണകൂടം മറിച്ചിട്ട് ഭരണം നേടിയവര്‍ക്കെതിരെയും നീളുന്ന ജനപ്രക്ഷോഭങ്ങള്‍..


ഇപ്പോള്‍ ഇന്ത്യയിലും സോഷ്യല്‍മീഡിയവഴിയുള്ള സമരങ്ങള്‍ക്ക് ജീവന്‍ വച്ചിരിക്കുന്നു. രാജ്യം നേരിടുന്ന പ്രധാനവെല്ലുവിളി അഴിമതി, നിയമനിര്‍മ്മാണപരിപാലനത്തിന്‍റെ പോരായ്മ എന്നിവയാണ്. പണവും അധികാരവും ഉള്ളവന് നീതിയും അവകാശങ്ങളും. അതാണ്‌ നാം ദിവസേന കാണുന്ന ഭരണവും നീതിയും. തലസ്ഥാന നഗരിയില്‍ ഒരുകൂട്ടം ചെന്നായ്ക്കള്‍ ഒരു പെണ്ണിനെ പിച്ചിചീന്തുക, തുടര്‍ന്ന്‍ മണികുറുകളോളം സഹായം അഭ്യര്‍ഥിച്ചു നിരാലംബയായി നടുറോഡില്‍, അവിടെ നിയമപാലകര്‍ നിഷ്ക്രിയര്‍, കോടാനുകോടി രൂപയുടെ അഴിമതി നടത്തിയവന്‍   കുറച്ചു കഴിയുമ്പോള്‍ കൂളായി വീണ്ടും ജയിലിനു പുറത്ത്. മുക്കിയ പൈസയോ അത് ഒരിക്കലും കണ്ടെത്തില്ല കണക്ക് മാത്രമുണ്ട് കൈയില്‍, അതെങ്കിലും കിട്ടിയത് ഭാഗ്യം. പക്ഷേ അവന്റെ പേരില്‍ സിറ്റികള്‍ തോറും മണിമാളികകള്‍ ഉണ്ടാകും അത് ഒരുത്തന്‍റെയും കണ്ണില്‍ പെടില്ല. വീണ്ടും ആ എരപ്പാളി വോട്ടും തേടിവരും ജനങ്ങള്‍ വോട്ടും ചെയ്യും. ആഹ എന്ത് നല്ല നിയമം എന്ത് നല്ല പൌരബോധം. അഴിമതി നടത്തിയവന്‍ വീണ്ടും ജനപ്രതിനിധി. രാഷ്ട്രീയം അത് ഒന്ന് മാത്രമാണ് നമ്മുടെ രാജ്യത്തിന്റെ ഗതി ഇങ്ങനെയാക്കിയത്. എന്നാല്‍ ചില പരട്ട് രാഷ്ട്രീയപാര്‍ട്ടികള്‍ പറയുന്നത് ഇന്നത്തെ തലമുറക്ക് അല്ലെങ്കില്‍ ജനതക്ക്  രാഷ്ട്രീയ ബോധംകുറഞ്ഞുവരുന്നുവെന്ന്. അവര്‍ ഉദ്ദേശിക്കുന്ന രാഷ്ട്രീയം ഇതാണോ "ജനങ്ങളുടെ മുകളില്‍ കയറി നിരങ്ങിയാലും പോക്കിരിത്തരം കാണിച്ചാലും മിണ്ടാതെ നില്‍ക്കാനുള്ള വീണ്ടും അവരുടെ മൂടും താങ്ങി നില്‍ക്കാനുള്ള രാഷ്ട്രീയമാണോ?" അങ്ങനെയെങ്കില്‍ ആ രാഷ്ട്രീയം എന്നേ എരിച്ചു കളയേണ്ടതാണ്.

നമ്മുടെ ഭരണസംഹിതകള്‍ ഡോക്ടര്‍ അംബേദ്കര്‍ ഉണ്ടാക്കിയതാണ്. പക്ഷെ അദ്ദേഹം അന്നുണ്ടായിരുന്ന പ്രമുഖരാജ്യങ്ങളുടെ നിയമസംഹിതയില്‍ നിന്ന് കടംകൊണ്ട് എഴുതിയതാണ്. ആ രാജ്യങ്ങള്‍ അതിനു ശേഷം നിയമങ്ങള്‍ മാറ്റിയെഴുതുകയും കാലഘട്ടത്തിന് അനുസരിച്ച് കൂട്ടിചേര്‍ക്കുകയും ചെയ്തു. എന്നാല്‍ നമ്മുടെ നിയമങ്ങള്‍ തളര്‍വാതം  പിടിപ്പെട്ട് അവശകലാകാരനായി. ഓടിക്കിതച്ചു പുതിയകാലത്തിലേക്ക് വന്നപ്പോള്‍ വീണ്ടും പരിതാപകരമായി. നിയമങ്ങള്‍ നോക്ക് കുത്തിയായപ്പോള്‍ അതിനെ ഏതുരീതിയിലും വളച്ചൊടിക്കാമെന്നായപ്പോള്‍ അഴിമതിയും വര്‍ധിച്ചു. ഖജനാവിലെ ഒട്ടുമിക്ക സമ്പത്തും 2G യും, കല്‍ക്കരിയും വഴി പലരുടെയും മണിമാളികകളിലെത്തി. അവിടെ ഈ പറയുന്ന നിയമത്തിന് വെറും പഴംചാക്കിന്‍റെ വില. കൊണ്ട്പോയവന്‍ കൊണ്ട്പോയി,അതിന്‍റെ കൂടെ അവനെ ജയിലില്‍ തീറ്റിപോറ്റാന്‍ വീണ്ടും ജനങ്ങളുടെ കാശ്. 

ഇന്ത്യ ഒരു ജനാധ്യപത്യരാഷ്ട്രമാണോ അല്ല. ഇവിടെ ഭരിക്കുന്നത് രാഷ്ട്രീയ പാര്‍ട്ടികളാണ്, അവരുടെ നേതൃത്വം കൈകൊള്ളുന്ന തീരുമാനങ്ങള്‍ ജനങ്ങള്‍ ശിരസാവഹിച്ചോണം. ഭരണത്തില്‍ ജനത്തിന്‍റെ പങ്ക് വോട്ട് ചെയ്യുക. വോട്ട് നേടി ഭരണത്തില്‍ കയറിയാല്‍ അവന്‍ രാജാവ്. അവനു പിന്നെ എന്ത് തോന്നിവാസവും കാണിക്കാം കാരണം അവനെ സംരക്ഷിക്കാന്‍ അവന്‍റെ പാര്‍ട്ടി ഉണ്ട്, അധികാരമുണ്ട്‌, അവന്റെ കീഴിലുള്ള നിയമപാലകരുണ്ട് ഇനി ആരെ പേടിക്കാന്‍ വോട്ട് തന്ന ജനത്തെയോ? എന്തിന്എനിക്ക് എതിരെ ശബ്ദം ഉയര്‍ത്തിയാല്‍ അല്ലെങ്കില്‍ സര്‍ക്കാരിനെ കുറ്റം പറഞ്ഞാല്‍ അവന്‍ മറ്റേ പാര്‍ട്ടി, ഇനി വൈകാരികമായി ചെയ്താലോ/പറഞ്ഞാലോ അവന്‍ തീവ്രവാദി. കഴിഞ്ഞില്ലേ കാര്യം?. ഇതാണ് ഇന്ന് ഇന്ത്യയുടെ ഭരണവും രാഷ്ട്രീയവും. 



ഇനി ആശ്രയം കോടതിമുറികള്‍  പക്ഷെ ഏകപ്രതീക്ഷയായ അതും അസ്ഥാനത്താണ്.  കൈയില്‍ പൂത്ത കാശുണ്ടോ എങ്കില്‍ നല്ല വക്കിലിനെ കിട്ടും, തെളിവുകള്‍ മുക്കാം പൊക്കാം കോടതിയില്‍ സത്യത്തെക്കാള്‍ പ്രാധാന്യം തെളിവുകള്‍ക്കും വക്കീലിന്‍റെ വാദിച്ചു ജയ്ക്കാനുള്ള  സാമര്‍ത്ഥ്യത്തിലുമാണ്. തെളിവുകള്‍ക്കും വക്ക്ചാതുര്യത്തിനും പ്രാധാന്യം കൂടുമ്പോള്‍ പലപ്പോഴും സത്യത്തിന്‍റെ സ്ഥാനം പടിക്ക് പുറത്തായിരിക്കും.



മാറ്റങ്ങള്‍ ഇവിടെ നിന്ന് തുടങ്ങണം ജനങ്ങള്‍ തിരഞ്ഞെടുക്കുന്ന ജനപ്രതിനിധി ജനസേവകന്‍ ആയിരിക്കണം അല്ലാതെ അവന്‍റെ മേലധികാരി ആവരുത്. അതിനും ഒരു നിയമം വേണം പൊതുപ്രവര്‍ത്തകരെയും സര്‍ക്കാര്‍ ഉദ്ദ്യോഗസ്ഥരേയും നിയമപലകരെയും നിയന്ത്രിക്കാനും ശിക്ഷിക്കാനുമുള്ള നിയമം വരണം. നിയമത്തെ അല്ലെങ്കില്‍ തന്റെ പദവിയെ ചൂക്ഷണം ചെയ്യുന്നവരെ മാതൃകപരമായി ശിക്ഷിക്കാനുമുള്ള നിയമം വരണം. കൊല്ലരുത് കൊല്ലാതെ കൊല്ലണം അതുപോലുള്ളവ ആയിരിക്കണം ശിക്ഷ. നിയമത്തെ കബളിപ്പിച്ചു ഒരാളെ, ഒരു സമൂഹത്തെ വഞ്ചിച്ചാല്‍ അതിനുള്ള അര്‍ഹമായ ശിക്ഷയാണ് കൊല്ലാതെ കൊല്ലുക. 





ജനങ്ങളില്‍ അധികാരം എത്തണം. അതിനായി ഏതൊരു ഭരണധികാരിയുടെ മുകളിലും ജനതയുടെ അധികാരം വേണം. ഇപ്പോള്‍ അഞ്ചുവര്‍ഷത്തേക്കാണ്  ഒരാളെ തിരഞ്ഞെടുക്കുന്നത് അതിനു ശേഷം ജനങ്ങള്‍ക് വേണ്ടന്നു തോന്നിയാല്‍ അവരെ പിന്‍വലിക്കാന്‍ ആവുമോ ഇല്ല. അതിനാല്‍ എപ്പോഴും ആക്ടിവ് ആയ ഒരു വോട്ടിംഗ് സിസ്റ്റം ആവശ്യമാണ്. അറുപത് അല്ലെങ്കില്‍ എഴുപത് ശതമാനം ജനപിന്തുണ കുറയുന്ന പക്ഷം അയാള്‍ പുറത്ത്. ഇങ്ങനെയല്ലങ്കില്‍ അല്ലെങ്കില്‍ ഇതുപോലുള്ള സംവിധാനങ്ങള്‍ വരണം എങ്കിലേ ജനങ്ങളില്‍ ഭരണം വരുന്നുള്ളൂ. അല്ലെങ്കില്‍ ജയിച്ചു പോകുന്നവന്‍ തോന്നുന്ന ഭരണം നടത്തും.


ഇന്ത്യന്‍ വിപ്ലവം

കഴിഞ്ഞ ദിവസങ്ങളില്‍ തലസ്ഥാന നഗരി പ്രക്ഷോഭങ്ങളില്‍ പ്രകമ്പനം കൊണ്ട ദിവസമായിരുന്നു. അതും സോഷ്യല്‍ മീഡിയകളില്‍ കൂടിയുണ്ടായ ആഹ്വാനപ്രകാരം. ഈ സംഭവം ചൂണ്ടികാണിക്കുന്നത് ഇന്ത്യയിലെ ഭരണകൂടവും ജനതയില്‍ നിന്ന് അകലുന്നു,ജനങ്ങള്‍ ഭരണത്തില്‍ അസംതൃപ്ത്തരാണ്. ചിലപ്പോള്‍ ഇവിടെയും ഒരു മുല്ലപ്പൂ വസന്തം വിരിഞ്ഞേക്കം. ഒരു പക്ഷെ എന്നിലും നിങ്ങളിലും എല്ലാം സമാനമായ ചിന്തകളാകാം,കാരണം ഇന്നത്തെ സര്‍ക്കാര്‍ ജനങ്ങളില്‍ നിന്ന് ബഹുദൂരം അകലെയാണ്.ദിവസേന പെട്രോളിനും ഡീസലിനും വിലകൂട്ടി , അവശ്യസാധനങ്ങള്‍ക്ക് വിലകയറ്റി ജനം പൊറുതിമുട്ടിക്കുമ്പോള്‍ രാജ്യത്തിന്‍റെ പ്രധാനിയുടെ അഭിപ്രായം ഇതാണ് നമ്മുടെ രാജ്യം പുരോഗതിയിലേക്ക് കിടക്കുന്നതിന്‍റെ ഭാഗമാണെന്ന്. എന്തെ അദ്ദേഹം  മുന്നോട്ട് കണ്ട രാജ്യം സാധാരണ ജനങ്ങള്‍ പട്ടിണികിടന്നു മരിച്ച സമ്പന്നരുടെ ഇന്ത്യയാണോ? ചെകിട് തീര്‍ത്ത് കിട്ടാത്തതിന്‍റെ കുറവ്.  ദിവസം തോറും അഴിമതിയും, നീതികേടും പെരുകുന്നു, പലപ്പോഴും സത്യത്തിന് തിരശ്ശീലയ്ക്ക് പിന്നിലേക്ക് മറയുന്നു. ഭരണകര്‍ത്താക്കള്‍ സാധാരണകാരന്‍റെ പ്രശ്നങ്ങളെ വകവെക്കാതെ കൊടികുത്തിയ കാറുമായി തോന്നുംവിധം തലങ്ങും വിലങ്ങും ഓടുന്നു. ഇന്ത്യമഹാരാജ്യത്തിന്‌ ഒരു പ്രസിഡണ്ട്‌, പ്രധാനമന്ത്രി ഉണ്ടെന്നു പോലും പലരും മറന്നുപോയിരിക്കുന്നു. കൊടീശ്വരന് ധനസഹായകൊടുക്കുന്നത് അവന്‍റെ കടങ്ങള്‍ തീര്‍ക്കുന്നത് പാവപെട്ടവന്റെ പിച്ചചട്ടിയില്‍ കയിട്ടുവാരികിട്ടുന്ന ഖജനാവിലെ നികുതി പണം,   മൃഷ്ടാന്നം കഴിച്ചു മാളികയില്‍ കഴിയുന്ന ഭരണാധികാരികളുടെയും കൊടിശ്വരന്മാരുടെയും ഭാരങ്ങള്‍ താങ്ങാന്‍ ബഹുഭൂരിപക്ഷം വരുന്ന സാധാരണ ജനങ്ങളും. ഇതാണ് ഇന്ന് ഇന്ത്യന്‍ ജനാധ്യപത്യം, ഭരണം 

ഈ തോന്നിവാസം നീണ്ടുപോയാല്‍ ഒരിക്കല്‍ അവര്‍ ക്ഷമയുടെ നെല്ലിപലക ചവിട്ടും അന്ന് നമ്മുടെ രാജ്യം കത്തും, ഭരണാധികാരികള്‍ തെരുവുകളില്‍ ചവിട്ടിമെതിക്കപ്പെടും. പക്ഷെ അതുകൊണ്ടൊന്നും രാജ്യം കരകേറില്ല ഇന്ത്യയെ സംബന്ധിച്ച് നോക്കിയാല്‍ തകര്‍ച്ചയില്‍ നിന്ന് തകര്‍ച്ചയിലോട്ടായിരിക്കും ആ വിപ്ലവങ്ങള്‍ നയിക്കുക. അവസാനം ഇന്ത്യ ചപ്പാത്തി മുറിച്ചിട്ടതുപോലെ പലകഷണങ്ങളാകും അതായിരിക്കും വിപ്ലവത്തിന് ശേഷം ഇന്ത്യ. അതിനു പലകാരണങ്ങള്‍ ഉണ്ട്, എന്നത്തെയും പോലെ കലക്ക വെള്ളത്തില്‍ മീന്‍ പിടിക്കുന്ന രാഷ്ട്രീയകാരെ പോലെ അല്ലെങ്കില്‍ സമാന ചിന്താഗതിക്കാര്‍ ഇങ്ങനുള്ള വിപ്ലവങ്ങള്‍ ഹൈജാക്ക് ചെയ്യും. ഒരു കൂട്ടം ആളുകള്‍ ഒന്നും അറിയാതെ ആ ഭ്രാന്തന്മാരുടെ പുറകെ പോകും, അവരുടെ ഭ്രാന്തമായ പ്രവൃത്തികള്‍ പ്രാവര്‍ത്തികമാക്കാനും ശ്രമിക്കും.

നമ്മുടെ രാജ്യത്ത് പലജാതി, പലമതം. ഇത്രയും പോരെ പൊടിപൂരം. ആരും നിയന്ത്രിക്കാന്‍ ഇല്ലാത്ത ആ അവസ്ഥയില്‍ ഏതെങ്കിലും ഒരുത്തന്‍റെ പള്ളിയോ അമ്പലത്തിനോ കല്ലെറിഞ്ഞാല്‍ മതി, അല്ലെങ്കില്‍ ഏതെങ്കിലും ഒരുത്തന്‍ പറഞ്ഞ് ഇളക്കിയാല്‍ മതി അങ്ങ് തെക്ക് കത്തിച്ചു കൊന്നു എന്ന് ഹാവൂ പിന്നെ ഈ രാജ്യം ചുടുകളമായിരിക്കും.  ഇന്ന് പലര്‍ക്കും രാജ്യത്തെക്കാള്‍ സ്നേഹവും കൂറും മതത്തതോടാണ് . ഏതേലും പമ്പരവിഡ്ഢിയായ മതമേലധികാരി മൂളാന്‍ നോക്കിനില്‍ക്കുയാണ് കൊടിയും പിടിചിറങ്ങാന്‍ ( ചിലരുടെ രാഷ്ട്രീയവും ഇങ്ങനെയാണ്.) അവര്‍ പറയുന്നതിന്‍റെ പൊരുള്‍ പോലും നോക്കാതെ കഴുതയെപോലെ അങ്ങനെ തന്നെ അങ്ങനെ തന്നെ എന്ന് വിളിച്ചു പുറകെ പോകും. 

ഇനി നമ്മുടെ രാജ്യത്തിന്‍റെ മറ്റൊരു പ്രത്യേകത പലഭാഷക്കാര്‍, വിപ്ലവം  ഇപ്പോഴുള്ള ഇപ്പോഴുള്ള ഭരണാധികാരികളെ ചവിട്ടി മെതിക്കും, അതിനു ശേഷം പിന്നെ ഭാഷഅടിസ്ഥാനത്തില്‍ രാജ്യം വേണമെന്ന് ചിലപ്പോള്‍ അവകാശപെട്ടെക്കാം. അതിനു വേണ്ടി കൊള്ളയും കൊള്ളിവെയ്പ്പും നടക്കും.ഒരിക്കല്‍ നമ്മുടെ ഒരു അയല്‍ സംസ്ഥാനം അവരുടെ ഭാഷ ദേശിയഭാഷ ആകണമെന്ന് അവകാശപെട്ടതാണ്, ആവശ്യം അംഗീകരിക്കാന്‍ അവര്‍ സകല പോക്രിത്തരങ്ങള്‍ കാണിക്കുകയും ചെയ്തു. സോഷ്യല്‍ മീഡിയകളില്‍ കൂടി ഉണ്ടാകുന്ന വിപ്ലവം ഇന്ത്യയില്‍ വന്നാല്‍ ഉണ്ടാകാന്‍ പോക്കുന്ന കാര്യങ്ങളാണിത്. കാരണം ആരാലും നയിക്കാനില്ലാതെ അവിടെയും ഇവിടെയും കണ്ടതും കേട്ടതുമായ കാര്യങ്ങളിലൂടെ വളരുന്ന പ്രതിഷേധമായിരിക്കും സോഷ്യല്‍നെറ്റുവര്‍ക്ക് വിപ്ലവം. ചിലസ്ഥലങ്ങളില്‍ സ്വാര്‍ത്ഥതാല്പര്യങ്ങള്‍ അടിസ്ഥാനമാക്കി സമരങ്ങള്‍ ഹൈജാക്ക് ചെയ്യപ്പെടും. കഴിഞ്ഞ ഹസാരെ സമരങ്ങള്‍ അതിനു ഉത്തമ ഉദാഹരണമാണ്. അതിനാല്‍ തന്നെ ഒരു നവവിപ്ലവം ഇന്ത്യയില്‍ ഉണ്ടായാല്‍ പോലും നമുക്ക് നല്ലൊരു ജീവിതം സമ്മാനിക്കുവാന്‍ സാധ്യതയില്ല. വീണ്ടും കൈയ്പ്പ് നിറഞ്ഞ ജീവിതങ്ങള്‍ നാം കാണേണ്ടി വരും.

എന്ത് തന്നെയായാലും നമ്മുടെ കാര്യം കട്ട പൊക ഒന്നെങ്കില്‍ നമ്മുടെ ഇപ്പോഴുള്ള ഭരണാധികാരികള്‍ നമ്മുടെ കട്ടയും പെട്ടിയും പൂട്ടിക്കും അല്ലെങ്കില്‍ അവരായി ഉണ്ടാക്കിയ നമ്മളായി തുടങ്ങിയ വിപ്ലവം നമ്മുടെ കട്ടയും പെട്ടിയും പൂട്ടികും, എന്തായാലും ഒന്ന് ഉറപ്പ് പിച്ചച്ചട്ടി.



51 അഭിപ്രായ(ങ്ങള്‍):

  1. നമ്മുടെ രാജ്യം പോലെ വൈവിധ്യം ഉള്ള മറ്റൊരു രാജ്യം ഇല്ല. ഭാഷ, ജാതി, നിറം, കക്ഷി രാഷ്ട്രീയം, തൊഴില്‍, കുടുംബം ഇങ്ങനെ എങ്ങനെ ഒക്കെ വെട്ടി മുറിക്കാമോ അങ്ങനെ ഒക്കെ മുറിക്കപ്പെട്ടിരിക്കുന്നു. ഇവിടെ ഏതെങ്കിലും ലേബലില്‍ അല്ലാതെ ഒരു മുന്നേറ്റം സാധാരണമല്ല. ഹസാരെയുടെ മുന്നേറ്റം പോലും പിന്നീട് വിവാദങ്ങളുടെ വേലി ഏറ്റം ആയി മാറി. ഒരു പെസ്സിമിസ്റ്റ് ആയി പറയുക അല്ല..ഡല്‍ഹി നമ്മെ ഉണര്‍ത്തി എന്നത് നേര്..എങ്കിലും, ജനം എന്ന പേരില്‍ ഒരു വിപ്ലവം തുടങ്ങിയാല്‍ തന്നെ അതിന്റെ പിതൃത്വം ഏറ്റെടുക്കാന്‍ ആള്‍ ഇതും..പിന്നെ തര്‍ക്കമായി...എന്തോ ഞാന്‍ ഒരു പെസ്സിമിസ്റ്റ് ആണ്..അതോ, എന്നെ പെസ്സിമിസ്റ്റ് ആക്കിയോ?
    എന്റെ പ്രിയ അനുജന്‍ നന്നായി എഴുതി...ഇത്തരം ചിന്തകള്‍ രാജ്യം ഒട്ടാകെ യുവാക്കളില്‍ ഉണരട്ടെ...അവ നാടിന്‍ മോചന രണാങ്കണത്തില്‍ പടരട്ടെ...
    ആശംസകള്‍ !!!

    ReplyDelete
    Replies
    1. താങ്ക്സ് ഈ യോജിപ്പിന്...

      വായനക്കും ഈ വരവിനും നന്ദി.....

      Delete
  2. ഡെല്ലിയിൽ നടന്നതൊക്കെ കൊള്ളാം, നല്ല ഒരു മുന്നേറ്റം തന്നെ, പക്ഷെ ഇങ്ങനെ മെഴുകുതിരി വെളിച്ചത്തിൽ അല്ല ആക്രമങ്ങൾ നടക്കുന്നത്, അത് ഇരുട്ടിലും മറയിലുമാണ്, അവിടെ എന്താണ്, രക്ഷ? അതാണ് നാം ചിന്തിക്കേണ്ട,
    നമ്മുടെ സമൂഹം മാറണം, അതിനായി പ്രയത്നിക്കണം

    ReplyDelete
    Replies
    1. ശരിയാണ് അതിനും ശേഷം അകെ അവസ്ഥകള്‍ ഒന്ന് മാറിയിരുന്നു.... നമ്മുടെ നാട് നവണമെങ്കില്‍ നമ്മള്‍ തന്നെ വിചാരിക്കണം..


      ഈ വരവിനും വായനാക്കും നന്ദി

      Delete
  3. പ്രതികരിയ്ക്കാനറിയുന്ന സമൂഹത്തിനു മാത്രമേ കെട്ടുറപ്പുള്ള ഭരണകൂടത്തെ സൃഷ്ടിക്കാനാവു .

    പരാതി പറയുന്നവരും പഴിപറയുന്നവരുമാകാതെ അനീതികള്‍ക്കും അഴിമതിക്കുമെതിരെ പ്രതിശേധിക്കുന്നവാനും പ്രതികരിയ്ക്കാനും പഠിക്കണം.

    നമ്മുക്ക് സമാധാനം വേണം സമത്വം വേണം ജനാധിപത്യം എന്ന് എഴുതികണ്ടാല്‍ പോര അത് അനുഭവിച്ചറിയണമെങ്കില്‍ നേടിയെടുക്കാന്‍ ആര്‍ജവം കാട്ടണം.


    @ ജനാധിപത്യത്തെ ഞെക്കി കൊള്ളുന്നവര്‍ ഇത് വായിക്കാന്‍ ഏവരെയും ക്ഷണിക്കുന്നു

    ReplyDelete
    Replies
    1. ഈ അഭിപ്രായത്തോട് ഞാന്‍ യോജിക്കുന്നു

      Delete
  4. നമ്മുടെ രാജ്യത്തെ നശിപ്പിക്കുന്നതില്‍ മാറി വരുന്ന ഭരണകൂടങ്ങള്‍ക്കും ,രാഷ്ട്രീയപ്പാര്‍ട്ടികള്‍ക്കും വലിയ പങ്കുണ്ട് ,അതിലുപരി ഇവരെയൊക്കെ ഭരിക്കുന്നത് വന്‍കിട കോര്‍പ്പറേറ്റുകള്‍ ആണ് .ജനങ്ങള്‍ കൂടുതല്‍ അവബോധം ഉള്ളവര്‍ ആകേണ്ട സമയം കഴിഞ്ഞു . ഇപ്പോഴത്തെ ഈ പ്രതികരണങ്ങള്‍ തന്നെ വൈകിയ വേളയിലെ ജല്പ്പനങ്ങള്‍ പോലെയാണ്

    ReplyDelete
    Replies
    1. ശരിയാണ് ഇത് വൈകിയ വേളയാണ്..പക്ഷെ ഇപ്പോള്‍ പോലും നമ്മുടെ ജനത ഉറങ്ങുകയാണ്.... എല്ലാം വിധിയെന്ന് സമാധാനിച്ചു ഇരിക്കുന്നു.. എന്ന് നമ്മുടെ നാട് ഉണരുന്നോ അന്ന് രക്ഷ നേടും

      Delete
  5. ഞാനും പെസ്സിമിസ്റ്റ് ആണ്. ഇന്‍ഡ്യയെ സംബന്ധിച്ച്

    ReplyDelete
    Replies
    1. പക്ഷെ നമ്മള്‍ നേരിനെ കണ്ടു നേരിന് വേണ്ടി നീതിക്ക് വേണ്ടി നില കൊള്ളുക അതിനു വേണ്ടി ശബ്ധിക്കുക... നമ്മളിലെ പ്രതീക്ഷ നഷ്ടപെടുത്തരുത്.. നന്ദി ഈ വരവിനും വായനക്കും

      Delete
  6. സഹനത്തിന്റെ നെല്ലിപ്പലകയ്ക്കു താഴെ പൊട്ടിത്തെറിക്കാൻ പാകത്തിനുള്ള വെടിമരുന്നാണെന്ന് ഇന്നത്തെ ഭരണാധികാരികൾ മനസ്സിലാക്കിയാൽ അവർക്കു നല്ലത്.

    വളരെയധികം കാര്യങ്ങൾ പറഞ്ഞു, ഈ ലേഖനത്തിലൂടെ.

    ReplyDelete
    Replies
    1. നന്ദി ഈ വരവിനും വായനക്കും ഇതേ കുറിച്ച് ചിന്തിച്ചതിനും.......

      Delete
  7. Replies
    1. നന്ദി ഈ വരവിനും വായനക്കും..

      Delete
  8. ഇന്ത്യ നന്നാവേണ്ട സമയം ഒക്കെ കഴിഞ്ഞു മോനെ.....


    അടിച്ച ബഴിയെ പോയില്ലെങ്കില്‍.........

    ReplyDelete
    Replies
    1. അങ്ങനെ ആവാന്‍ പാടില്ലാലോ.. നമ്മള്‍ പ്രധികരിക്കണം.. നിഷേധിക്കുന്ന നീതി ചോദിച്ചു വാങ്ങണം.. കാരണം ഇത് നമ്മുടെ രാജ്യം.. ചുറ്റിനും ജീവിക്കുന്നവര്‍ നമ്മുടെ വേണ്ടപെട്ടവര്‍...,,,,

      നന്ദി ഈ വരവിനും വായനക്കും..

      Delete
  9. one day, India will be corruption free, which tense is this??

    FUTURE IMPOSSIBLE TENSE.

    എനിക്ക് ഒരു കാര്യമേ പറയാനുള്ളൂ.. വിപ്ലവം!!! മണ്ണാങ്കട്ട.

    ReplyDelete
    Replies
    1. റാഷി പറഞ്ഞത് തന്നെ എനിക്കും പറയാനുള്ളൂ . അഴിമതിക്ക് ചൂട്ടുപിടിക്കുന്നവര്‍ ജനങ്ങള്‍ തന്നെയാണ്. നമ്മുടെ ബോധത്തില്‍ അഴിമതി എന്ന് ഒരു കുറ്റവും പാപവും ആകുന്നുവോ അന്നേ അധികാര ദുര്‍വിനിയോഗം നില്‍കുള്ളൂ. അതുവരെ വിപ്ലവം , മണ്ണാങ്കട്ട !!

      Delete
    2. നമ്മള്‍ യുവജനതയെങ്കിലും പ്രതീക്ഷ പുലര്‍ത്തി നാടിനു വേണ്ടി എന്തെങ്കിലും ചെയ്യുക.. അല്ലെങ്കില്‍ നമ്മള്‍ ജീവിച്ചതും മരിച്ചതും ഒന്നുംമല്ല.. ചുരുങ്ങിയത് ഒരു പ്രതികരണ ശേഷി ഉള്ള ജനതയെങ്കിലും നമ്മള്‍ ആവണം...

      Delete
  10. നിയമങ്ങള്‍ ഇല്ലാഞ്ഞിട്ടല്ല ഇവിടെ ഇത്തരം അഴിമതികളും അക്രമങ്ങളും കുമിഞ്ഞു കൂടുന്നത്.. അതൊന്നും നടപ്പിലാക്കേണ്ടവര്‍ക്ക് അതിനു സമയമില്ലാ.. അവര്‍ അവരുടെ രീതിയില്‍ നിയമത്തെ നിഷേധിച്ചു കൊണ്ടേ ഇരിക്കുന്നു..

    പിന്നെ ഇന്ത്യയെ പോലെ നാനാതുരയിലും വൈവിധ്യങ്ങള്‍ നിറയെ ഉള്ള ഒരു വലിയ രാജ്യത്ത് കുറെ പ്രശ്നങ്ങള്‍ സ്വാഭാവികം മാത്രം...

    ഡല്‍ഹിയിലെ സമരങ്ങള്‍ ആരുടെയെങ്കിലും കണ്ണും മനസ്സും തുറക്കാന്‍ സഹായിചെങ്കില്‍ , അത് വിജയിച്ചു എന്ന് പറയാം.. ഇനി അതിനു അവകാശികള്‍ ജനിച്ചാല്‍ പോലും..

    ഒരു ഒപ്ടിമിസ്ട്ടിക് ആയിരിക്കാന്‍ ആണ് എന്റെ ആഗ്രഹം.. ഇന്ത്യയെ പറ്റിയും...

    ReplyDelete
    Replies
    1. ശരിയാണ് നമ്മുക്ക് നിയമങ്ങള്‍ ഉണ്ട് അവ വേണ്ട വിധം പരിപാലിക്കാന്‍ നമ്മുടെ അധികാരികള്‍ തയാറാകുന്നില്ല.. അല്ലെങ്കില്‍ നമ്മള്‍ അവരെ അതിനു ഫോഴ്സ് ചെയ്യുന്നില്ല..

      ഞാന്‍ അങ്ങനെ ഒപ്ടിമിസ്റ്റ് ആവാന്‍ തയാറല്ല... പ്രതീക്ഷ അതാണ്‌ ജീവിതം...

      Delete
  11. എവിടെയാണ് നമുക്ക് പിഴച്ചത് എന്നൊരു എത്തിനോട്ടം ആവശ്യമാണ്, തിരക്കിട്ട ജീവിതത്തിൽ നിസാരമെന്ന് തള്ളി പ്രതികരിക്കാനും പ്രവർത്തിക്കാനും തയ്യാറാവതെ ഇരിക്കാൻ തുടങ്ങിയ സമയം മുതലേ നാം നമ്മുടെ കുഴിതോണ്ടിക്കഴിഞ്ഞു. തികച്ചും മണ്ടത്തരമെന്ന് സ്വന്തം മനസു പറയുന്നിടത്ത് നിന്നുപോലും മാറിച്ചിന്തിക്കാത്ത രാഷ്ട്രീയത്തോടും മതത്തോടുമുള്ള അടിമത്വം നമ്മിൽ നിറഞ്ഞപ്പോളും നാം തോൽക്കുകയായിരുന്നു.
    രോഷം എന്നിലും അണപൊട്ടിയൊഴുകുന്നു, എങ്കിലും ഞാൻ ശുഭാപ്തി വിശ്വാസം സൂക്ഷിക്കുന്നവനാണ്, മാറ്റം നല്ലൊരു മാറ്റം ഉടൻ വരുമെന്ന് ഉറച്ച ചിന്തയോടെ ഇരിക്കുന്നവർ..!
    എല്ലാം നന്നാവുന്ന ഒരു കാലം വരും അതി വിദൂരമല്ലാതെ തന്നെ എന്നാണ് എന്റെ വിശ്വാസം...!

    നന്നായി, ആശംസകള്

    ReplyDelete
    Replies
    1. നന്ദി ഈ സമാന ചിന്താഗത്തിക്കും ഈ വരവിനും വായനക്കും..

      Delete
  12. പട്ടികള്‍ പുല്ലു തിന്നുകയുമില്ല, പശുവിനെ ഒട്ടു തിന്നാന്‍ സമ്മതിക്കുകയുമില്ല. അതാണ്‌ സംഭവം.

    ഈ നാട് നന്നാവില്ല എന്ന് ഞാന്‍ ഉറപ്പിച്ചു കഴിഞ്ഞു. നന്നാവണമെങ്കില്‍ എന്തെങ്കിലും അത്ഭുതങ്ങള്‍ സംഭവിക്കണം. ഇനി അധികം പ്രതീക്ഷ ഒന്നുമില്ല. നമ്മുടെ റോള്‍ ഭംഗിയായി അങ്ങ് കഴിഞ്ഞുകൂടുക. അത്രേയുള്ളൂ.

    ReplyDelete
    Replies
    1. അങ്ങനെയവരുത്.. നമ്മള്‍ പോരാടണം കിട്ടേണ്ട അവകാശങ്ങള്‍ നീതിക് വേണ്ടി പോരാടണം.... നമ്മള്‍ പ്രതീക്ഷ കൈവെടിയരുത്..


      നന്ദി ഈ വരവിനും വായനക്കും..

      Delete
  13. ഇന്ത്യ മാറും... എല്ലാ വികസിത രാജ്യങ്ങളും അതിന്‍റെ ഗ്രോത്ത് ഫേസില്‍ ഈ ഘട്ടം തരണം ചെയ്തവര്‍ ആണ്. അഴിമതി അടക്കം ഉള്ളവ നമ്മള്‍ പറയുന്ന അടിപൊളി രാജ്യമായ ചൈനയിലും ഉണ്ട്. വികസനം അതിന്‍റെ പാരമ്യത്തില്‍ എത്തുമ്പോള്‍ അങ്ങ് മാറും ഈ അഴുമതി. പിന്നെ അഴുമതി മിക്കവാറും നടത്തുന്നത് ഭരണ നേതൃത്വം കൈയ്യാളുന്ന പാര്‍ട്ടി ആയിരിക്കില്ല...അവരുടെ കൂട്ട് കക്ഷികള്‍ ആയിരിക്കും... കാരണം അത് ചെയ്തെന്കിലെ ഈ കുട്ടി പാര്‍ടികള്‍ക്ക് അവരുടെ അണികളെ തീറ്റി പോറ്റാന്‍ പറ്റു. 70 ശതമാനം ജന പിന്തുണ ഇല്ലെങ്കില്‍ സര്‍ക്കാറിനെ പിന്‍വലിക്കണം എന്ന അഭിപ്രായത്തോട് ഞാന്‍ യോജിക്കുന്നില്ല കാരണം പല സാമ്പത്തിക പരിഷകരണങ്ങളും അതിന്‍റെ നല്ല വശങ്ങളോടെ നാം കാണില്ല... എന്ത് പരിഷ്കരണം വന്നാലും അത് പ്രഥമ ദ്രിഷ്ടിയാല്‍ ജനദ്രോഹപരം ആയിരിക്കും എന്നാല്‍ കാലം പോകുമ്പോള്‍ ആ പരിഷ്കാരം ആണ് ജനനന്മക്ക് ഉതകിയത് എന്ന് നാം തിരിച്ചറിയുകയും ചെയ്യും.. നല്ല ഉദാഹരം ആണ് ആഗോള വത്കരണം. അന്ന് എതിര്‍ത്തു പക്ഷെ ഇന്ന് ഇന്ത്യ മാറാന്‍ കാരണം ആ പരിഷ്കാരം ആണ്... ഇപ്പോള്‍ വരുത്തിയ പരിഷ്കാരങ്ങളും നമുക്ക്‌ ദേഷ്യം തന്നെ എന്നാല്‍ അതിന്‍റെ പോസിറ്റീവ് ആരും കാണില്ല... പരിഷ്കാരങ്ങള്‍ വരുമ്പോള്‍ ജനപിന്തുണ കുറയും... അങ്ങനെ എങ്കില്‍ റോബിന്‍ പറഞ്ഞ രീതിക്ക് ആണെങ്കില്‍ താഴെ ഇറങ്ങണം... അത് വികസനത്തിനെ പിന്നോട്ട് അടിക്കും... ഇത് എന്‍റെ അഭിപ്രായങ്ങള്‍ ആണ് കേട്ടോ.... എന്തായാലും ന്യൂ ജെനരേഷന്‍ രോഷം നിറഞ്ഞ പോസ്റ്റ്‌...

    ReplyDelete
    Replies
    1. എന്റെ അഭിപ്രായത്തില്‍ ഞാന്‍ ഉറച്ചു നില്‍ക്കുന്നു..കാരണം സക്കാര്‍ അവരുടെ പദ്ധതികള്‍ സുതാര്യം ആകണം... അത് ജനങ്ങളെ മനസിലാക്കി കൊടുക്കേണ്ട കടമ്മ സര്‍ക്കാരിനുണ്ട്.. അല്ലെങ്കില്‍ ആ സര്‍ക്കാര്‍ പരാജയമാണ്.... അതിനാലാണ് ഞാന്‍ എഴുപത് ശതമാനം എന്ന് പറഞ്ഞത്... ഇതിനു സമാനമായ മറ്റൊരു ലേഖനം വായിക്കുക...

      @http://merobinhood.blogspot.com/2013/01/blog-post_29.html

      ഈ തുറന്ന അഭിപ്രായത്തിനും വരവിനും വായനക്കും നന്ദി..

      Delete
  14. പുതിയ കാലഘട്ടം തേടുന്നത് പുതിയ വിപ്ലവങ്ങളെയാണ്. ഒരു നേതാവ് വരേണ്ടിയിരിക്കുന്നു. രാജ്യത്തെ നേര്‍വഴിക്ക് നയിക്കാന്‍ ശക്തിയും അധികാരവുമുള്ള ഒരു നേതാവ്. ഈ വിപ്ലവങ്ങള്‍ അതിനു നാന്ദി കുറിക്കട്ടെ എന്ന് പ്രതീക്ഷിക്കാം. ഞാനും ഏറെ പ്രതീക്ഷയില്‍ ആണ്. നിരാശനല്ല. എന്റെ പ്രിയനാടും മാറും.

    ReplyDelete
    Replies
    1. ഈ നാടിന്‍റെ സ്നേഹം അതാണ്‌ നമ്മുക്ക് വേണ്ടത്.. നമ്മള്‍ നാടിനെ ഇത് പോലുള്ള കീടങ്ങളില്‍ നിന്ന് സംരക്ഷിക്കാന്‍ ഇപ്പോഴും പ്രവര്‍ത്തിക്കണം...

      Delete
  15. ആരു പറഞ്ഞു മാറ്റമില്ലാന്നു തോന്നിയ പോലെ നിയമം ഭേതഗതി ചെയ്യുന്നുണ്ട് രാജ്യത്ത്.ഉള്ള നിയമങ്ങള്‍ മര്യാദക്ക് പാലിക്കാത്തതും അതൊക്കെ അനുസരിക്കാത്തതും രാഷ്ട്രീയത്തില്‍ ജാതിയും മതവും കലര്‍ത്തിയതാണ് ഇവിടെത്തെ പ്രശ്നം.പറഞ്ഞു പഴകിയ കാര്യങ്ങള്‍ തന്നെയാണ് റോബിന്‍ മാറേണ്ടത് നമ്മള്‍ തന്നെയാണ് .

    ReplyDelete
    Replies
    1. അത് തന്നെയാണ് ഞാനും പറയുന്നെ.. നമ്മള്‍ മാറണം.. നമ്മള്‍ പ്രധികരിക്കാന്‍ പഠിക്കണം.. പക്ഷെ ഇന്നും ജനത ഉറങ്ങുന്നു...

      നന്ദി ഈ വരവിനും വായനക്കും

      Delete
  16. നമുക്ക് വേണ്ടത് ഹിറ്റ്ലറിനെപ്പോലെയോ മുസ്സോളിനെയെപ്പോലെയോ ഉള്ള ഒരു കാടന്‍ ഭരണാധികാരിയെയാണു. അനിയന്ത്രിതമായ സ്വാതന്ത്ര്യങ്ങളുടെ തിളപ്പില്‍ മദിച്ചുപുളഞ്ഞ് എന്തും ചെയ്യുവാന്‍ മടിയില്ലാത്തവരായി മാറിയിരിക്കുന്ന ഒരു ജനതയ്ക്ക് വെണ്ടത് സത്യത്തില്‍ അവര്‍ തന്നെയാണു...

    ReplyDelete
    Replies
    1. പക്ഷെ അവിടെ ഒരു ജനതയുടെ അവകാശങ്ങള്‍ തകര്‍ക്കപെടുന്നു... ഈ അഭിപ്രായത്തോട് പൂര്‍ണ്ണ വിയോജിപ്പാണ്...

      നന്ദി ഈ വരവിനും അഭിപ്രായത്തിനും

      Delete
  17. എന്തായാലും നമ്മുടെ കാര്യം കട്ടപൊക , ആര് കട്ടപൊക ആക്കും എന്നു മാത്രമേ അറിയാന്‍ ബാക്കിയുള്ളൂ , നിയമ സംഹിത മാറ്റി എഴുതപ്പെടേണ്ട നേരം അതിക്രമിച്ചു കഴിഞ്ഞിരിക്കുന്നു , മാറ്റുവിന്‍ ചട്ടങ്ങള്‍ അല്ലെങ്കില്‍ മാറ്റുമത് നിങ്ങളെ ,,,,,,,,,,,,,,,,

    ReplyDelete
    Replies
    1. നന്ദി ഈ വരവിനും വായനക്കും..

      Delete
  18. ജനാധിപത്യം എന്നത് ഇന്ത്യയില്‍ എന്നോ അസ്തമിച്ച സംഗതിയാണ് ഇന്ന് പണാധിപത്യമാണ് വലിയ വലിയ കൊര്‍പ്പ്രെറ്റുകളും അവരുടെ ആസനം താങ്ങികള്‍ ആയ ഭരണധിപന്മാരും മാത്രമാണ് ഇന്ന് ഭാരതത്തിന്‍റെ തല തൊട്ടപ്പോള്‍ അവരിവിടെ സര്‍വ സ്വാതന്ത്ര്യത്തോടെ ഭീഷണികള്‍ ഇല്ലാതെ വിലസുക ആയിരുന്നു പൊതുജനത്തെ ഓരോ പാര്‍ട്ടിയുടെ വാക്താക്കള്‍ ആക്കി അര പത്തിറ്റാണ്ട് കൂടുമ്പോള്‍ ഉത്ഭുദ്ധ ജനത എന്ന് ഉച്ചഭാഷിണി കെട്ടി വിളിച്ചു പറഞ്ഞു ഉത്ഭുദ്ധരക്കുക വഴി ജന വികാരം എന്ന ഭീഷണിയും ഇല്ലാതാക്കിയിരുന്നു എങ്കില്‍ ഇപ്പോള്‍ ഇന്ദ്ര പ്രസ്തം കണ്ട കൊടിയും നിറവും ഇല്ലാത്ത ജനതയുടെ മുന്നേറ്റം ഏറെ ആശാവഹമാണ്‌ നൂറു കോടി ഇന്ത്യന്‍ ജനതക്ക് ഒപ്പം തന്നെ ഇന്ത്യന്‍ രാഷ്ട്രീയ താപ്പാനകള്‍ക്ക് ഒരു മുന്നറിയിപ്പും

    ReplyDelete
    Replies
    1. പക്ഷെ ആ സമരം പോലും ഒരു പൂര്‍ണരൂപമെത്തിയതായിരുന്നില... എന്തോ അതിനോട് പൂര്‍ണ്ണ യോജിപ്പ് ഇല്ലായിരുന്നു.. കാരണം അതില്‍ നമ്മുടെ നെറികെട്ട ഭാരത്തിനെതിരെ ആയിരുന്നില്ല... പക്ഷെ ഒരു ശുഭ സൂചന തോന്നി...

      നന്ദി ഈ വരവിനും വായനക്കും..

      Delete
  19. ലേഖനം മുന്നോട്ട് വച്ച ഏറ്റവും പ്രധാനമായ സത്യം വിപ്ലവാനന്തര ഇന്ത്യ എന്തായിരിക്കുമെന്നുള്ള ചിത്രമാണ്. അതേക്കുറിച്ച് ഒരിക്കലും ആലോചിച്ചിരുന്നില്ലെങ്കിലും,ഇവിടെ വായിച്ച സത്യങ്ങൾ നമ്മെ ഭീതിപ്പെടുത്തുന്നതാണ്. വിപ്ലവങ്ങളും സമരങ്ങളും ഹൈജാക്ക് ചെയ്യപ്പെടുമ്പോൾ മറ്റു പലരുടെയും അജണ്ടകൾക്കായി പൊതുജനതാത്പര്യം കുഴിച്ചുമൂടപ്പെടും. ഒടുവിൽ നാടും സമ്പത്തും കോർപ്പറേറ്റ്  ചെന്നായ്ക്കൾ പങ്കിട്ടെടുക്കും, അവരാണല്ലോ രാഷ്ട്രീയക്കാരെ ഭരിക്കുന്നത്. 
    ഇച്ഛാാശകതിയുള്ള നേതാക്കളും പാർട്ടികളുമില്ലെങ്കിൽ ജനത്തിന് തമ്മിൽ ഭേദമെന്ന തിയറി പരീക്ഷികുകയേ വഴിയുള്ളൂ.

    ഇടതു വശത്തുള്ള ഷെയറിംഗ് ടാബ് വായനയെ വല്ലാതെ ബുദ്ധിമുട്ടിക്കുന്നുണ്ട്. അത് സ്ഥലം മാറ്റുകയോ നീക്കാനുള്ള എളുപ്പ വിദ്യ വായനക്കാർക്ക് പറഞ്ഞു കൊടുക്കുകയോ ആവാം. 

    ReplyDelete
    Replies
    1. നന്ദി ഈ വായനക്കും ഇതേ കുറിച്ച് ചിന്തിച്ചതിനും നിര്‍ദേശം തന്നതിനും...

      Delete
  20. കൊള്ളാം ...ചിന്തിക്കേണ്ട ചിന്തകള്‍ !
    ഇപ്പോള്‍ നമ്മുടെ മുന്നിലുള്ള ഏക മാര്‍ഗവും ശരിയായ നിലപാടും ഏറ്റവും നല്ല ജന പ്രതിനിധികളെ നാം കണ്ടെത്തുക എന്നതാണ് .അതില്‍ നാം രാഷ്ട്രീയം ചേര്‍ക്കാതിരിക്കുക .
    പിന്നെ നിയമ നിര്‍മാണതതിലൂടെ നമ്മുടെ നിയമസംഹിതയെ ബലപ്പെടുത്തുകയും ചെയ്യുക .
    അതിനു വേണ്ടിയാവണം നമ്മുടെ പുതിയ മുല്ലപ്പൂ വിപ്ലവം ഉണ്ടാവേണ്ടത് ...
    എല്ലാ ആശംസകളോടെ
    അസ്രുസ്
    ജൈഹിന്ദ്

    ReplyDelete
    Replies
    1. നന്ദി ഈ സപ്പോര്‍ട്ടിനും വായനക്കും..

      Delete
  21. ഇന്ത്യന്‍ ജനാതിപത്യം പലപ്പോഴും പണാധിപത്യത്തിലെക്ക് നീങ്ങുന്ന കാഴ്ഴയാണ് നമ്മള്‍ കണ്ടുകൊണ്ടിരിക്കുന്നത്. സോഷ്യല്‍ മീഡിയ കൂട്ടായ്മകള്‍ വിചാരിച്ചാല്‍ പലതും നടക്കും എന്നത് വാസ്തവമാണ്. എന്നാല്‍ ആരാണ് ഇതിനു മുന്നിട്ടു ഇറങ്ങുക എന്നതാണ് പ്രാധാന്യം. സോഷ്യല്‍ മീഡിയ വിപ്ലവങ്ങള്‍ തെരുവുകളില്‍ എത്തിക്കാന്‍ കഴിഞ്ഞാല്‍ നമുക്ക് ഒരു പുതിയ ഇന്ത്യയെ കാണാം. അസാധ്യമായ സംഭവം ഒന്നും അല്ല അത്. നമ്മുക്ക് ശുഭ പ്രതീക്ഷയോടെ കാത്തിരിക്കാം.

    ഈ വിഷയവുമായി ബന്ധപ്പെട്ട ഒരു പോസ്റ്റ്‌ ..
    http://absarmohamed.blogspot.com/2011/03/blog-post.html

    ReplyDelete
    Replies
    1. സമാനമായ ആശംകകള്‍ എന്റെ മനസിലും നിറയുന്നു...

      നന്ദി ഈ വരവിനും വായനക്കും,,

      Delete
  22. എത്രയോ നാളുകളായി ജനങ്ങള്‍ ആളുകളെ മാറി മാറി പരീക്ഷിച്ചു പരാജയപ്പെടുന്നു ആരൊക്കെ വന്നാലും കോരന് കുമ്പിളില്‍ തന്നെ കഞ്ഞി .

    ReplyDelete
    Replies
    1. നന്ദി ഈ വരവിനും വായനക്കും..

      Delete
  23. ദീപസ്തംഭം മഹാശ്ചര്യം എനിക്കും കിട്ടണം പണം....അല്ലാതെ എന്ത് പറയാനാ...വിപ്ലവം പോലും publicity stunt ആയി മാറി കഴിഞ്ഞു

    ReplyDelete
    Replies
    1. ഇത് കുറെയേറെ സത്യമാണ്.... ഇന്ന് എല്ലാവരും സ്വന്തം ജീവിതം മാത്രം കൈയില്‍ വച്ച് മുന്നേറുന്നു... അതാണ്‌ ഇവിടെ വലിയൊരു പ്രശ്നം...

      നന്ദി ഈ വരവിനും വായനക്കും..

      Delete
  24. ഒരു വിപ്ലവത്ത്തിലും ഞാന്‍ വിശ്വസിക്കുന്നില്ല, ജനാധിപത്ത്യം ഒഴികെ.
    വിപ്ലവം കഴിയുമ്പോള്‍ "അധികാരം ദുഷിപ്പിക്കും,വലിയ അധികാരം വലുതായി ദുഷിപ്പിക്കും" അതാണ്‌ അനുഭവം

    ആശംസകള്‍

    ReplyDelete
    Replies
    1. ശരിയാണ്.. ഇവിടെ ഞാനും പറയുന്നത് വിപ്ലവം വേണമെന്നല്ല.. നമ്മള്‍ പ്രതികരിക്കാന്‍ പടികണം.. നമ്മുടെ നീതി നമ്മള്‍ ചോദിച്ചു വാങ്ങണം..

      Delete
  25. വിപ്ലവം കൊണ്ടൊന്നും ഒന്നും നടക്കുമെന്ന് തോന്നുന്നില്ല. പക്ഷേ, പ്രതികരണ ശേഷി കൈമോശം വരാതെ നോക്കുകയും വേണം.


    അമ്പതാം കമന്റ് ആണല്ലേ... ആശംസകള്‍!

    ReplyDelete
    Replies
    1. അത് തന്നെയാണ് എന്റെയും ആഗ്രഹം നമ്മളും പ്രധികരിക്കാന്‍ പഠിക്കണം.....



      നന്ദി ഈ വരവിനും വായനക്കും..

      Delete

Related Posts Plugin for WordPress, Blogger...